الحاداورخداکی تلاش

الحاداورخداکی تلاش

                                                                                                 الحاد(Atheism)دراصل کائنات کی اصل حقیقت (خدا) کی تلاش سے دستبرداری ہے۔ جیسے کچھ گروہ ایک عمارت میں ایک خاص شے تلاش کررہےہوں۔ ان میں سے ایک گروہ کمروں کو دیکھ رہاہو، دوسرا تہہ خانوں میں اس شے ڈھونڈ رہا ہو اورتیسرا گروہ بالائی منزل پردیکھ رہا ہو۔ یہ گروہ ایک دوسرے پر تنقید بھی کرسکتے ہیں کہ تم غلط جگہ پر اس شے کو تلاش کر رہے ہو یا صحیح طرح سے نہیں دیکھ رہے۔ 

                                                               ایک اورگروہ ایسا بھی ہوسکتاہے جوکہے  کہ شاید کوئی چوتھی جگہ بھی ہے جہاں وہ شے ہوسکتی ہے، تاہم وہاں ایک گروہ ایسا آئے جو کہے کہ تم لوگ بیکارمیں کھوج رہے ہو ، وہ شے اس عمارت میں ہے ہی نہیں، بلکہ کبھی تھی ہی نہیں۔

                                                           اب باقی گروہ تو اپنےاپنے انداز میں ایک ہی شے کوکھوجنے کے عمل میں مصروف ہیں مگر یہ آخری الذکر گروہ جستجو کے عمل سے الگ ہوجاتاہے اوراس شے کی تلاش ترک کردیتاہے۔ اول الذکر گروہ خدا کی مختلف تعبیروں اورتصورات کے ذریعے اس کی حقیقت کو سمجھنے کی کوشش کرنے والے افراد کی طرح ہیں جبکہ آخری گروہ atheists  کی مثال ہے جوخدا کاانکارکرکے اس کی تلاش سے ہی دستبردار ہوجاتاہے اوریہ مؤقف اپناتاہے کہ کائنات کی تشریح خداکے تصور کے بغیر خود کائنات کے ذریعے ہی ہوسکتی ہے۔اسی لیے کہاجاتاہےکہ :

An Atheist is a failed philosopher who couldn't make any sense of  human life and universe

یعنی ملحد ایک ایساناکام فلسفی ہوتاہے جو انسانی زندگی اورکائنات کے اندر کوئی معنویت نہ پاسکا!

                              *****************************