الحاد ایک تحریک کب بنتاہے؟

الحاد ایک تحریک کب بنتاہے؟

                                                                                                                                                    الحاد( Atheism ) بنیادی طورپرکائنات کی حقیقت  کے بارے میں ایک منفی پوزیشن  اوررائے ہے۔ اس کی مثال یوں ہوسکتی ہے کہ اگر ایک شخص کو اپنی بیوی کی طرف سے بے وفائی کاتجربہ ہو تووہ  اسے اپنی ذاتی ناکامی اور بدقسمتی پر محمول کرسکتاہے۔مایوسی کے زیرِ اثر وہ یہ بھی خیال کرسکتاہےکہ دنیا کی  ساری عورتیں ہی بے وفا ہوتی ہوں گی۔ یہاں تک یہ محض منفی جذبات اورتاثرات کا معاملہ ہوگا۔ مگر اس منفی  تجربے کےساتھ اگر نسواں  مخالف( anti-feminism)  اور ہم جنسیت حامی( pro-homosexuality ) ایجنڈے بھی شامل ہوجائیں تویہ ایک تحریک میں بدل جائے گا۔اب وہ شخص دنیا بھر میں عورت اورشادی کے خلاف ایک مہم چلادے گا۔  جب وہ دیکھے گا کہ دوسرے مرد اپنی بیویوں کے ساتھ کامیاب ازواجی زندگی گزاررہے ہیں تو اس کاکہنا ہوگا کہ بے وفائی توعورت کی سرشت میں ہے، اس لیے یا تو یہ سارے مرد دھوکا کھارہے ہیں  یا پھر جانتے بوجھتے بے غیرت بنے ہوئے ہیں!

        اسی طرح الحاد( Atheism)  محض ایک منفی فلسفیانہ  رائےہے جو ایک تحریک میں تبھی بدلتی ہے جب اس کے ساتھ مذہب مخالف( anti-religion )  ایجنڈا شامل ہوجاتا ہےاورملحدین(atheists )مذہب کو ایک برائی قرار دے کر اس کی بیخ کنی کیلئے کمر بستہ ہوجاتےہیں۔ جب وہ دیکھتے ہیں کہ باقی لوگ ان کے برعکس مذہب اورخدا پر یقین رکھے ہوئے ہیں تو وہ سمجھتے ہیں کہ انھوں نے یاتو ہماری طرح سائنس نہیں پڑھی یا پھر یہ  سب  فریب خوردہ (Deluded) ہیں ۔ایسی ہی تحریک نے ان ملحدین کو پید اکیا ہے جنھیں  new atheists یاmilitant atheists کہا جاتاہے۔ ایسا الحاد ایک طرح کامذہبی جہاد بن جاتاہے ۔

                                                                                                                      مشہوراوربےباک ترین ملحد کرسٹوفر ہچینز (Christopher Hichens) نے شراب کےنشے میں اپنے دل کی یہی بات ایک غیر رسمی  اورنجی گفتگو میں اُگل دی کہ اگر مذہب مخالف ایجنڈا باقی نہ رہے تو ملحدین بوریت سے ہی مرجائیں کیونکہ الحاد کےپاس کہنے کو اورکرنے کوکچھ بھی مثبت نہیں ہے:

“…If I could convince everyone in the world to be a non-believer and I’d done brilliantly, and there is only one left. One more and it would be done. There would be no more religion in the world…no more deism, theism. I would not do it…I don’t quite know why I wouldn’t do it…And it’s not just because there would be nothing left to argue with and no one left to argue with. It’s not just that. Though it would be that. Somehow if I could drive it out of the world, I wouldn’t…”

”۔۔۔اگر میں دنیامیں ہر ایک کو ملحد بناسکتا اور  اتنی کامیابی سے بناسکتاکہ دنیا میں صرف ایک ہی شخص مذہبی رہ جائے۔۔ بس صرف ایک اور، پھر دنیا میں مذہب کانشان بھی باقی نہ رہے۔۔خدا کاکوئی عقیدہ باقی نہ رہے ۔۔۔پھر بھی میں اس آخری شخص کو ملحد نہیں بناؤں گا!!۔۔میں یقین سے نہیں کہہ سکتاکہ میں ایسا کرسکنے کے باوجود کیوں نہیں کروں گا۔۔محض اس وجہ سے نہیں کہ اس کے بعد مناظرے بازی کیلئے کچھ نہیں بچے گا اورکوئی نہیں ہوگا جس سے بحث کی جاسکے۔ ۔ گو کہ ہوگا ایسا ہی۔۔پھر بھی نہ جانے کیوں مذہب کومکمل طور پرمٹاسکنے کے باوجود میں ایسا  کروں گانہیں۔۔۔“

https://www.youtube.com/watch?v=GDJ9BL38PrI 

                                                                                                                                                                                           عام طورپر ملحدین اصرار کرتے ہیں کہ الحاد کوئی مذہب نہیں ہے ۔ یہ بات تودرست ہے کہ تعریف کے اعتبارسے الحاد کوئی مذہب نہیں ہے ، تاہم مذہب کی دشمنی  کا جذبہ بہرحال ایک مذہب کی طرح بن جاتاہے:

Atheism is not a religion, but anti-religion is a religion!

****************************