خدااورماڈرن فزکس

خدااورماڈرن فزکس

                                                                                                                                  آئن سٹائن کے نظریۂ اضافیت (Relativity) نے فزکس کے اصول وقوانین میں بہت تغیر برپا کیا ہے مثلاً دواشیاء کے درمیان کوئی قوتِ کشش یا دفع نہیں ہوتی بلکہ ہرچیز کائنات کے hilly character کی وجہ سے خود ایک اپنا راستہ متعین کرتی ہے۔اسی طرح سورج سیاروں پر کسی قسم کی قوت نہیں لگاتا۔اس نظریہ کے تحت قوت(Force) کاتصور تقریباً ختم ہوکررہ گیاہے۔معروف فلسفی برٹرینڈرسل اس ضمن میں کہتاہے کہ:

         “In Einstein’s world, there is more individualism and less government than in Newton’s”. (ABC of Relativity, p.120)

   "نیوٹن کے مقابلے میں آئن سٹائن کی دنیا میں زیادہ انفرادی آزادی ہے اورکم حکومت و اقتدار ہے                                              "
                                                                                                
                                                                                                                          کہا جاسکتاہے کہ اس تصورِ کائنات کے مطابق اشیاء natural causes)طبعی اسباب )کے تحت نہیں بلکہ مابعد طبعی اسباب( (super-natural causesکے تحت فعل پذیر ہیں۔الیکٹران اور نیوکلیئس کے مابین کوئی قوتِ کشش یا دفع نہیں بلکہ ایک خارجی اورمافوق الفطری قوت ہے جو ایک ہاتھ سے نیوکلیئس کو تھام کر اوردوسرے ہاتھ سے الیکٹران کو پکڑ کر اسے نیوکلیئس کے گرد گھمارہی ہے۔

                                                                                                                                      اس کی مثال یہ ہے کہ اگر کسی ملک میں انارکی ہو  اورکوئی وفاقی حکومت موجود نہ ہو بلکہ ہر فرد اورادارہ اپنی مرضی سے کام کررہاہو لیکن اس کے باوجود ملک کاانتظام درست چل رہاہو تو ایک انسان یہی کہہ اٹھتا ہے کہ اس ملک کو تو کوئی غیبی طاقت ہی چلارہی ہے!

       “The physical universe is orderly, not because there is a central government, but because everybody minds its own business. No two particles of matter ever come into contact. When they get too close, they both move off.” P. 120

مادی کائنات میں نظم ہے ، اس وجہ سے نہیں کہ کوئی وفاقی حکومت موجود ہے، بلکہ اس لیے کہ ہر کوئی اپنے کام سے کام رکھتاہے۔کائنات میں کوئی سے بھی دو ذرات آپس میں نہیں ملتے، جب بھی وہ بہت قریب آ جاتےہیں تو کنی کتراجاتےہیں۔ 

٭٭٭٭٭٭٭٭